გაქვთ თუ არა გარე სამყაროსთან კომუნიკაციის უფლება?
დაკავებისას თქვენ კვლავ გაქვთ გარე სამყაროსთან კომუნიკაციის უფლება. რა თქმა უნდა, დაგიწესდებათ გარკვეული შეზღუდვები, მაგრამ ეს არ უნდა ნიშნავდეს თქვენი უფლებების მთლიან უარყოფას. თქვენ გაქვთ შემდეგი უფლებები:
- ოჯახისთვის დაკავების ადგილის შეტყობინება
- ნათესავებთან ან სხვა ადამიანებთან შეხვედრა. შეხვედრის ხანგრძლივობისა და იმ ადამიანების შესახებ, რომელთანაც შეხვედრის უფლება გაქვთ პატიმრობაში ყოფნისას, შეგიძლიათ წაიკითხოთ საქართველოს პატიმრობის კოდექსში
- ფოსტის გაგზავნა და მიღება
- ამანათების მიღება
- ტელეფონის გამოყენება თვეში სამჯერ, არა უმეტეს 15 წუთისა
- ფულის გაგზავნა და მიღება
- მუნიციპალური ან სახელმწიფო დაწესებულებებისთვის, ასევე ეროვნული ან საერთაშორისო ადამიანის უფლებათა დაცვის ინსტიტუტებისთვის მიმართვა.
თქვენი კომუნიკაციის მასშტაბებისა და შეზღუდვების შესახებ მეტი შეგიძლიათ წაიკითხოთ საქართველოს პატიმრობის კოდექსში.
რა უფლებები ირღვევა?
კომუნიკაციისას თქვენი უფლებები შეიძლება შეიზღუდოს მხოლოდ კანონით დაშვებულ შემთხვევებში. უფრო მეტიც, ნებისმიერი შეზღუდვა უნდა იყოს აუცილებელი და პროპორციული. წინააღმდეგ შემთხვევაში, ამან შეიძლება გამოიწვიოს თქვენი პირადი და ოჯახური ცხოვრების უფლების დარღვევა. წაიკითხეთ მეტი კომუნიკაციის უფლების შესახებ.
მაგალითად, თქვენი კომუნიკაცია ადამიანის უფლებათა ეროვნულ ან საერთაშორისო ინსტიტუტებთან, თქვენს ადვოკატთან, სასამართლოსთან, პროკურატურასთან ან დიპლომატიურ სამსახურებთან, არ უნდა კონტროლდებოდეს.
თქვენი შეხვედრები ნათესავებთან ან სხვა ადამიანებთან, ჩვეულებრივ, უნდა იყოს კონფიდენციალური. დასაშვებია მხოლოდ ვიზუალური ან ელექტრონული დაკვირვება, მოსმენის გარეშე.