ისტორიულად ხმის მიცემის უფლება მინიჭებული იყო მოქალაქეობისა და საცხოვრებელი ადგილის საფუძველზე. ეს ორი კრიტერიუმი რჩება არჩევნებში ხმის მიცემის შემზღუდველ საფუძვლად.
მოქალაქეობა
მოქალაქეობა ხმის მიცემის უფლების ერთ-ერთი მთავარი საფუძველია განსაკუთრებით საკანონმდებლო ორგანოს არჩევნებში, რომელიც უმნიშვნელოვანესი კონსტიტუციური ორგანოა. აქედან გამომდინარე, შესაბამისი სახელმწიფოს მოქალაქეობა არის მოთხოვნა, რომელიც მიმართულია ეროვნული ინტერესების დაცვაზე.
ბინადრობა
ჩვეულებრივ, ადამიანები არჩევნებში მონაწილეობენ თავიანთი მოქალაქეობის ქვეყანაში. თუმცა, შეიძლება იყოს შემთხვევები, როდესაც არჩევნების დროს არ იმყოფებით თქვენი მოქალაქეობის ქვეყანაში.
საქართველოს კანონმდებლობა არ ზღუდავს საზღვარგარეთ მცხოვრები საქართველოს მოქალაქეების ხმის მიცემის უფლებას. იმისთვის, რომ საზღვარგარეთ მცხოვრებ საქართველოს მოქალაქეებს შეეძლოთ ხმის მიცემის კონსტიტუციური უფლების გამოყენება, აუცილებელია რეგისტრაციის პროცესი დაასრულონ შესაბამისი დიპლომატიური წარმომადგენლობის საკონსულო რეესტრში.
საზღვარგარეთ საქართველოს მოქალაქეები საკონსულო რეესტრში დარეგისტრირებით ადასტურებენ ეროვნულ არჩევნებსა და რეფერენდუმში მონაწილეობის უფლებას, რაც უზრუნველყოფს მათ მონაწილეობას საქართველოს მომავლის ფორმირებაში.
გახსოვდეს ადამიანის უფლებათა ევროპული კონვენცია არ აკისრებს სახელმწიფოებს ვალდებულებას დანერგონ არარეზიდენტი მოქალაქეების ხმის მიცემის სისტემა.