ტანსაცმელი და თეთრეული

ციხის ადმინისტრაციამ უნდა უზრუნველყოს, რომ გქონდეთ სათანადო ტანსაცმელი. თუ არ გაქვთ საკუთარი ტანსაცმელი, ციხის ადმინისტრაციამ უნდა მოგაწოდოთ ისინი. ციხის მაღაზიაში ტანსაცმლის ყიდვის უფლებაც გაქვთ.

შესაბამისი ტანსაცმელი

თქვენი ტანსაცმელი უნდა იყოს შესაბამისი. ეს ნიშნავს, რომ მან უნდა შეასრულოს ორი ძირითადი ფუნქცია:

• უნდა შეესაბამებოდეს კლიმატს. ამიტომ, უნდა მოგცენ ტანსაცმელი, რომელიც დაიცავს თქვენს ჯანმრთელობას - გაგათბობთ ზამთარში და საკმარისად მსუბუქი იქნება ცხელი ზაფხულისთვის.
• ტანსაცმელი არ უნდა ლახავდეს თქვენს ღირსებას. მოწოდებული ტანსაცმელი შესაძლოა არ იყოს ახალი, მაგრამ უნდა იყოს შესაბამისი ზომის, სუფთა და გამოსადეგი. 

ტანსაცმლის ტიპი

საქართველოს პატიმრობის კოდექსის მიხედვით, თქვენ უფლება გაქვთ, ატაროთ თქვენი პირადი ტანსაცმელი. ზოგიერთ შემთხვევაში ციხის ადმინისტრაციამ შეიძლება მოგაწოდოთ სპეციალური ტანსაცმელი ან მოგთხოვოთ სამუშაო ფორმის ტარება. თუმცა ციხის მიერ მოწოდებული ქსოვილი ან სამუშაო ფორმა არ უნდა იყოს ღირსების შემლახავი და დისკრიმინაციული.

მაგალითი ფორმაში არ უნდა გამოიხატებოდეს თქვენი სასჯელის ხანგრძლივობა ან რაიმე ინფორმაცია იმის შესახებ, თუ რა დანაშაულისთვის იხდით სასჯელს.
გათავისუფლების ან განსაკუთრებულ შემთხვევებში დაწესებულების დროებითი დატოვებისას, უნდა მოგცენ საკუთარი ტანსაცმლის ჩაცმის უფლება.

სისუფთავე

საქართველოს პატიმრობის კოდექსის თანახმად, თქვენ უნდა შეინარჩუნოთ ტანსაცმლის სისუფთავე და გქონდეთ წვდომა სარეცხ საშუალებებზე.

თქვენ უნდა გქონდეთ ცალკე საწოლი და შესაბამისი თეთრეული. ეს ნიშნავს, რომ თქვენ უნდა გქონდეთ ყველა ის ნივთი, რაც ადამიანს სჭირდება ძილისთვის. ეს მოიცავს: ლეიბს, ბალიშს, საბანს. საწოლები უნდა იყოს:

• კლიმატის შესაბამისი
• გაცემის დროს სუფთა
• კარგ მდგომარეობაში
• სისუფთავის უზრუნველსაყოფად საკმარისად ხშირად ცვალებადი

საქართველოს პატიმრობის კოდექსის თანახმად, თქვენ უნდა უზრუნველყოთ თეთრეულის ან სხვა პირადი ნივთების სისუფთავე.

არაადამიანური ან ღირსების შემლახველი მოპყრობის აკრძალვა

თუ არ გაქვთ საწოლები ან ტანსაცმელი, ან თუ ისინი შეუსაბამოა, ამან შეიძლება გამოიწვიოს არაადამიანური ან დამამცირებელი მოპყრობა. თუმცა იმისთვის რომ ეს მდგომარეობა არაადამიანურ ან ღირსების შემლახავ ფაქტად შეფასდეს, მან  უნდა მიაღწიოს სიმძიმის გარკვეულ მინიმალურ დონეს. ნორმიდან უმნიშვნელო გადახრები შეიძლება არ ჩაითვალოს ამ სახის დარღვევად. 

მაგალითი თუ ერთი თვის განმავლობაში არ მოგცემენ საბანს ან ბალიშს, ეს, დიდი ალბათობით, გამოიწვევს თქვენი უფლებების დარღვევას. თუმცა, თუ თქვენ არ გქონდათ ბალიში რამდენიმე დღის განმავლობაში, დიდი ალბათობით, ეს არ შეფასდება ამ დონის დარღვევად.

წაიკითხეთ მეტი იმის შესახებ, თუ როგორ უნდა შეაფასოთ, დაირღვა თუ არა თქვენი უფლებები.

როგორ იჩივლოთ

თუ ფიქრობთ, რომ თქვენი უფლებები დაირღვა, მიმართეთ ციხის ადმინისტრაციას. წაიკითხეთ მეტი გასაჩივრების პროცედურების შესახებ.