განათლება

თუ არ მიგიღიათ ან არ დაგიწყიათ ზოგადი განათლება, უნდა შეგეძლოთ მისი გაგრძელება ან დასრულება ციხეში. საქართველოს პატიმრობის კოდექსის მიხედვით, თუ იმ ასაკში ხართ, როცა ჩვეულებრივ ზოგად განათლებას იღებენ სკოლებში ან თუნდაც უფროსი და სასჯელის დაკისრებამდე იღებდით განათლებას, ციხის ადმინისტრაცია ვალდებულია, დაიცვას თქვენი განათლების უფლება. სხვა სახის განათლების მიღების შესაძლებლობა (როგორიცაა უმაღლესი განათლება - ბაკალავრის ან მაგისტრის ხარისხი) დამოკიდებულია ციხის კონკრეტულ რეჟიმზე და ამ პროგრამების ხელმისაწვდომობაზე.

რა უფლებები შეიძლება დაირღვეს?

თუ არ მოგეცემათ შესაძლებლობა, დაასრულოთ დაწყებითი განათლება, როგორც არასრულწლოვანმა ან ზრდასრულმა, ამან შეიძლება გამოიწვიოს განათლების უფლების დარღვევა.

როგორ იჩივლოთ

თუ ფიქრობთ, რომ ციხეში განათლების მიღება უკანონოდ აგეკრძალათ, უნდა მიმართოთ დაწსებულების დირექტორს, ან თუ ფიქრობთ, რომ თქვენი განათლების უფლება უკანონოდ შეზღუდა დაწესებულების დირექტორმა, შეგიძლიათ საჩივარი შეიტანოთ სპეციალური პენიტენციური სამსახურის გენერალურ დირექტორთან. თუ აღმოაჩენთ პრობლემებს კანონში და მიგაჩნიათ, რომ უსამართლოდ გეზღუდებათ განათლების უფლებს, შეგიძლიათ მიმართოთ საქართველოს საკონსტიტუციო სასამართლოს და მოსთხოვოთ მას კანონის კონკრეტული მუხლის კონსტიტუციურობის შემოწმება. წაიკითხეთ მეტი, იმის შესახებ თუ როგორ უნდა დაიცვათ თქვენი უფლებები.

სახელმწიფოს არ აქვს ვალდებულება, უზრუნველყოს ყველა ტიპის  საგანმანათლებლო პროგრამები ზრდასრულთათვის, რაც შეიძლება ხელმისაწვდომი იყოს სამოქალაქო დონეზე. თუმცა, რეკომენდებულია, რომ მსჯავრდებულებს ჰქონდეთ ახალი ცოდნისა და განათლების მიღების შესაძლებლობა. რამდენად უნდა უზრუნველყოს ციხემ ეს შესაძლებლობები, დამოკიდებულია მის რესურსებზე.

თქვენ შეგიძლიათ გაიაროთ პროფესიული ტრენინგი ან კონკრეტული კურსები, როდესაც ისინი ხელმისაწვდომი იქნება. ციხის ადმინისტრაცია ვალდებულია, უზრუნველყოს საგანმანათლებლო პროგრამები და დაგეხმაროთ ზოგადი ან პროფესიული განათლების მიღებაში საქართველოს კანონმდებლობით დადგენილი მოთხოვნების შესაბამისად.

თქვენი დაწყებითი, საშუალო ან უმაღლესი განათლების მიღების საკითხი რეგულირდება კანონით.