გარე ვარჯიში და სხვა აქტივობები

როგორც მინიმუმ, ციხის ადმინისტრაციამ უნდა მოგცეთ საშუალება, დღეში ერთხელ მაინც ივარჯიშოთ ან გაისეირნოთ გარეთ. საქართველოს პატიმრობის კოდექსის მიხედვით, თქვენ უნდა გქონდეთ წვდომა გარე აქტივობებზე ყოველდღე, მინიმუმ, 1 საათის განმავლობაში.

გარე აქტივობებისთვის ადგილი საკმარისად დიდი უნდა იყოს იმისთვის, რომ რეალურად შეგეძლოთ ვარჯიში ან სულ მცირე, სიარული მაინც. თუ სივრცე საკმარისად დიდი არ არის იმისთვის, რომ გადადგათ რამდენიმე ნაბიჯი ყველა მიმართულებით, ამან შეიძლება გრძელვადიან პერსპექტივაში დაარღვიოს თქვენი უფლებები.

გარეთ გასვლის აკრძალვა არ უნდა იქნას გამოყენებული, როგორც სასჯელი. ეს ნიშნავს, რომ თქვენ უნდა მოგეცეთ გარეთ გასვლის უფლება სამარტოო საკანში ყოფნის დროსაც.

თქვენ გაქვთ უფლება და არა ვალდებულება, გახვიდეთ გარეთ სასეირნოდ ან სავარჯიშოდ. შესაბამისად, ვერავინ გაიძულებთ გასეირნებას, თუ ეს თავად არ გსურთ.

საქართველოს კანონმდებლობა გაძლევთ უფლებას:

• რეგულარულად ითხოვოთ წიგნები ციხის ბიბლიოთეკიდან
• გამოიყენოთ თქვენი პირადი ტელევიზორი და რადიო. ეს შესაძლებლობა დამოკიდებულია თქვენს რეჟიმზე ციხეში.

არაადამიანური ან ღირსების შემლახველი მოპყრობის აკრძალვა

გარე აქტივობებში ჩართვის შესაძლებლობის ნაკლებობამ შეიძლება გამოიწვიოს არაადამიანური ან დამამცირებელი მოპყრობა. თუმცა ზეგავლენამ, რომელსაც შეზღუდვა ტოვებს თქვენს ფიზიკურ და ფსიქიკურ მდგომარეობაზე, უნდა მიაღწიოს სიმძიმის გარკვეულ მინიმალურ დონეს.

მაგალითი თუ რაიმე მიზეზით არ გაქვთ უფლება, დღეში ერთხელ ან ორჯერ ივარჯიშოთ, ეს, დიდი ალბათობით, არ იქნება თქვენი უფლებების დარღვევა. თუმცა, თუ თქვენ  პატარა საკანში ბევრ სხვა პატიმართან ერთად ცხოვრობთ და გარე ვარჯიშის უფლებას მხოლოდ ორ კვირაში ერთხელ გაძლევენ, ეს, სავარაუდოდ, დაარღვევს თქვენს უფლებებს.

წაიკითხეთ მეტი იმის შესახებ, თუ როგორ უნდა შეაფასოთ, დაირღვა თუ არა თქვენი უფლებები.

როგორ იჩივლოთ

თუ ფიქრობთ, რომ თქვენი უფლებები დაირღვა, მიმართეთ დაწესებულების ან სპეციალური პენიტენციური სამსახურის გენერალურ დირექტორს. წაიკითხეთ მეტი, იმის შესახებ თუ როგორ უნდა დაიცვათ თქვენი უფლებები.